Saturday, January 29, 2022
Friday, January 7, 2022
Sunday, April 5, 2020
Wednesday, April 1, 2020
അനുരഞ്ജനങ്ങൾ കവിത
ആത്മാവില്ലാത്ത
അനുരഞ്ജനങ്ങളിൽപ്പെട്ട
ആരുമാരും
പിന്നെയും
അനുരാഗബദ്ധരാകുന്നില്ല
ആത്മാർത്ഥതയില്ലാത്ത
ബന്ധങ്ങൾ
ആത്മാവ്
നഷ്ട്ടപ്പെട്ട്
അലഞ്ഞു തിരിഞ്ഞു
മൗനനൊമ്പരങ്ങളെ
പുണർന്നുണർന്ന്
വിഷാദ
കാവ്യങ്ങളിലൂടെ
അനുവാചക
ഹൃദയങ്ങളിലേയ്ക്ക്
പടർന്നൊഴുകി,യവരുടെ
ഹൃദയോക്തി പോലെ,
മനോധർമ്മം പോലെ,
വ്യാഖ്യാനിക്കപ്പെടുന്നു!!
Saturday, March 28, 2020
Thursday, March 26, 2020
Monday, November 25, 2019
Coconut Condensed Milk Laddu
Coconut Condensed Milk Laddu Recipe കോക്കനട്ട് കണ്ടന്സ്ഡ് മില്ക്ക് ലഡൂസ്
ആവശ്യമുള്ള സാധനങ്ങള്
ആവശ്യമുള്ള സാധനങ്ങള്
• ഡ്രൈ
കോക്കനട്ട് പൌഡര് - 1 കപ്പ് + 1 ടേബിള് സ്പൂണ്
• ഡ്രൈ
കോക്കനട്ട് പൌഡര് - 1 ടേബിള് സ്പൂണ് (ലഡൂസ് കോട്ട് ചെയ്തെടുക്കാന്)
• സ്വീറ്റന്ഡ്
കണ്ടന്സ്ഡ് മില്ക്ക് - 3 ടേബിള് സ്പൂണ്
• ഏലയ്ക്കാപ്പൊടി
- 1/4 ടീ സ്പൂണ്
തയ്യാറാക്കുന്ന വിധം
ഒരു ടേബിള് സ്പൂണ് ഡ്രൈ കോക്കനട്ട് പൌഡര് ഒരു ബൌളില് എടുത്തു
വയ്ക്കുക. മറ്റൊരു വലിയ ബൌളില് 1 കപ്പ് + 1 ടേബിള് സ്പൂണ് ഡ്രൈ കോക്കനട്ട് പൌഡര്, സ്വീറ്റന്ഡ് കണ്ടന്സ്ഡ് മില്ക്ക്, ഏലയ്ക്കാപ്പൊടി
എന്നിവയെടുത്ത് കൈ കൊണ്ട് നന്നായി കുഴച്ച് യോജിപ്പിച്ച് 8-10
തുല്യ വലിപ്പത്തിലുള്ള ഉരുളകളായി ഉരുട്ടിയെടുക്കുക. ഇനി ഓരോ ഉരുളയെയും നേരത്തെ ബൌളില് എടുത്ത് വച്ച ഡ്രൈ കോക്കനട്ട്
പൌഡറില് പൊതിഞ്ഞെടുക്കുക. ഒരു മണിക്കൂര് ഫ്രിഡ്ജില് വച്ച ശേഷം ഉപയോഗിക്കുക.
Monday, March 4, 2019
Tuesday, February 26, 2019
Saturday, December 1, 2018
കസ്റ്റാര്ഡ് പൌഡര് ഹല്വ Custard Powder Halwa
Custard Powder Halwa :- One of my recipe published in Sthree Dhanam magazine .
ആവശ്യമുള്ള സാധനങ്ങള്
- കസ്റ്റാര്ഡ് പൌഡര് - ½ കപ്പ്
- പഞ്ചസാര - 1 + ¼ കപ്പ്
- വെള്ളം - 2 & ½ കപ്പ്
- നെയ്യ് - 2 ടേബിള് സ്പൂണ് + ¼ ടീ സ്പൂണ്
- ഏലയ്ക്കാപ്പൊടി - 1 നുള്ള്
- കശുവണ്ടിപ്പരിപ്പ് - 5എണ്ണം, ചെറുതായി നുറുക്കിയത്
അലങ്കരിക്കാന്
കശുവണ്ടിപ്പരിപ്പ് - 10 എണ്ണം
തയ്യാറാക്കുന്ന വിധം
ഹല്വ തണുപ്പിക്കാന് വയ്ക്കാനുള്ള പാത്രം ¼ ടീ സ്പൂണ് നെയ്യ് മയം പുരട്ടി വയ്ക്കുക. ഒരു വലിയ നോണ് സ്റ്റിക്ക് പാനില് കസ്റ്റാര്ഡ് പൌഡര്, പഞ്ചസാര, വെള്ളം എന്നിവ എടുത്ത്, കൈ കൊണ്ടോ, സിലികോണ് അല്ലെങ്കില് വുഡന് സ്പൂണ് ഉപയോഗിച്ചോ നന്നായി ഇളക്കി യോജിപ്പിക്കുക. ഇതിനെ ചെറു തീയില് അടുപ്പത്ത് വച്ച് ഇളക്കി കൊടുക്കുക. മിശ്രിതം കട്ട കെട്ടാതിരിക്കാനായി തുടരെ ഇളക്കുക. മിശ്രിതം അല്പം ഗ്ലോസിയായി, കട്ടിയായി തുടങ്ങുമ്പോള് 1 ടേബിള് സ്പൂണ് നെയ്യ് ചേര്ത്തിളക്കുക. ഇനി ഏലയ്ക്കാപ്പൊടി കൂടെ ചേര്ത്തിളക്കുക. ഈ മിശ്രിതം കട്ടിയായി, ഒരുമിച്ചു പാനില് നിന്ന് വിട്ടു വരുന്ന രീതിയില് ഹല്വ പരുവത്തില് ആകുന്നതു വരെ തുടരെ തുടരെ ഇളക്കി കൊണ്ടിരിക്കുക. ഇതിലേയ്ക്ക് 1 ടേബിള് സ്പൂണ് നെയ്യ്, നുറുക്കി വച്ചിരിക്കുന്ന കശുവണ്ടിപ്പരിപ്പ് എന്നിവ ചേര്ത്തിളക്കി, തീയില് നിന്ന് എടുത്ത്, പെട്ടെന്ന് തന്നെ നെയ്യ് മയം പുരട്ടിയ പാത്രത്തിലേയ്ക്ക് മാറ്റി ഒരു മണിക്കൂര് തണുപ്പിച്ച്, ഇഷ്ട്മുള്ള ആകൃതിയില് മുറിച്ച്, കശുവണ്ടിപ്പരിപ്പ് അതിനു മുകളില് വച്ച് അലങ്കരിച്ചു വിളമ്പാം.
Thursday, November 29, 2018
പച്ച മാല Green Necklace
- റിങ്ങ്സ് - 2
- 6 MM ഗോള്ഡ് പ്ലേറ്റഡ് റൌണ്ട് ബീഡ്സ്
- വൈറ്റ് സ്റ്റോണ് സ്റ്റഡഡ് കുന്ദന് ബീഡ്സ്
- പച്ച ടിയര്ഡ്രോപ്പ് ക്രിസ്റ്റല് ബീഡ്സ്
- ചക്കിരി / ഫ്ലവര് ഷെയ്പ്പ് ബീഡ് ക്യാപ്പ്
- ഹുക്ക് / ബാക്ക് ചെയിന് / ചരട്
- പച്ച റൌണ്ട് ബീഡ്സ് (5 MM / 6 MM)
- സൂചി
- നൂല്
മാലയുണ്ടാക്കുന്ന വിധം
നല്ല നീളത്തില് മുറിച്ചെടുത്ത നൂല് രണ്ടായി മടക്കി, നൂലിന്റെ ഒരറ്റം ഒരു റിങ്ങില് കെട്ടുക. (ചിത്രം B).
നൂലിന്റെ മറ്റേ അറ്റത്ത് വരുന്ന രണ്ടിഴകളും ഒരുമിച്ചു സൂചിയില് കോര്ക്കുക. എന്നിട്ട് സൂചിയിലൂടെ നൂലിലേയ്ക്ക് 20 പച്ച ടിയര്ഡ്രോപ്പ് ക്രിസ്റ്റല് ബീഡ്സ് (5x3mm) കോര്ക്കുക (ചിത്രം C).
ഇനി ഒരു 6 MM ഗോള്ഡ് പ്ലേറ്റഡ് റൌണ്ട് ബീഡ് + ചക്കിരി + പച്ച ടിയര്ഡ്രോപ്പ് ക്രിസ്റ്റല് ബീഡ് + ചക്കിരി + 6 MM ഗോള്ഡ് പ്ലേറ്റഡ് റൌണ്ട് ബീഡ് + ചക്കിരി + പച്ച ടിയര്ഡ്രോപ്പ് ക്രിസ്റ്റല് ബീഡ് + ചക്കിരി + 6 MM ഗോള്ഡ് പ്ലേറ്റഡ് റൌണ്ട് ബീഡ് എന്ന രീതിയില് കോര്ക്കുക (ചിത്രം D).
ഇനി നൂലില് നിന്ന് സൂചി മാറ്റിയ ശേഷം നൂലിനെ രണ്ടായി പകുത്ത്, ഒരു വൈറ്റ് സ്റ്റോണ് സ്റ്റഡഡ് കുന്ദന് ബീഡിന്റെ രണ്ടു ഹോളിലേയ്ക്ക്, ഓരോ നൂലിനെയും കോര്ക്കുക (ചിത്രം E). വീണ്ടും രണ്ടിഴകളും ഒരുമിച്ചു സൂചിയില് കോര്ത്തിട്ട്, ഒരു 6 MM ഗോള്ഡ് പ്ലേറ്റഡ് റൌണ്ട് ബീഡ് + ചക്കിരി + പച്ച ടിയര്ഡ്രോപ്പ് ക്രിസ്റ്റല് ബീഡ് + ചക്കിരി + 6 MM ഗോള്ഡ് പ്ലേറ്റഡ് റൌണ്ട് ബീഡ് + ചക്കിരി + പച്ച ടിയര്ഡ്രോപ്പ് ക്രിസ്റ്റല് ബീഡ് + ചക്കിരി എന്നിവ കോര്ക്കുക. വീണ്ടും നൂലിനെ സൂചിയില് നിന്ന് മാറ്റി രണ്ടായി പിരിച്ച്, രണ്ടു നൂലിലേയ്ക്കും ഓരോ 6 MM ഗോള്ഡ് പ്ലേറ്റഡ് റൌണ്ട് ബീഡ് കോര്ക്കുക (ചിത്രം F). ഇനി രണ്ടു ലെയറുകളായാണ് പച്ച ടിയര്ഡ്രോപ്പ് ക്രിസ്റ്റല് ബീഡ്സ് നൂലുകളിലേയ്ക്ക് കോര്ക്കേണ്ടത്.
ചിത്രം G യില് കാണുന്നത് പോലെ അകത്തെ ലെയറില് 35 പച്ച ടിയര്ഡ്രോപ്പ് ക്രിസ്റ്റല് ബീഡ്സും പുറത്തെ ലെയറില് 40 പച്ച ടിയര്ഡ്രോപ്പ് ക്രിസ്റ്റല് ബീഡ്സും കോര്ക്കുക, എന്നിട്ട് രണ്ടു നൂലിലേയ്ക്കും ഓരോ 6 MM ഗോള്ഡ് പ്ലേറ്റഡ് റൌണ്ട് ബീഡ് കോര്ക്കുക. ഇനി നൂലില് 2 ലെയര് ബീഡ്സ് കോര്ക്കുന്നതിനു മുന്നെ വരെയുള്ള സ്റ്റെപ്പുകള് റിവേര്സ് ഓര്ഡറില് കമ്പ്ലീറ്റ് ചെയ്ത് (ചിത്രം H, Iഎന്നിവ നോക്കുക) നൂല് അടുത്ത റിങ്ങില് കെട്ടി, രണ്ടു റിംഗ്സിനെയും ഹുക്കിട്ടു യോജിപ്പിക്കുകയോ, റിങ്ങ്സിനെ ബാക്ക് ചെയിനുമായി യോജിപ്പിക്കുകയോ, ചരടില് കോര്ക്കുകയോ ചെയ്യുക.
Wednesday, November 28, 2018
കാട് കാണുമ്പോൾ
ദൂരെ നിന്ന് നോക്കി കാണുമ്പോൾ മാത്രമല്ലേ വലുതും ചെറുതുമായ മരങ്ങൾ പരസ്പരം പുണർന്നു നിൽക്കുന്നൊരാ കാട് കാണാനാവുക.. അടുത്ത് ചെന്ന് നോക്കിയാലോ ഓരോ മരവും ഒറ്റയ്ക്കാണ്....പുറമേ തലയുയർത്തിപ്പിടിച്ച് കരിംപ്പച്ചത്തണൽ വിരിച്ചു, നിറയെ പൂക്കളുമായി പുഞ്ചിരിച്ചു നിൽക്കുന്ന മരങ്ങൾക്കിടയിലൂടെയാണ് ഓർമയുടെ ഇരുണ്ട വനവീഥികൾ കുളിരു പുതച്ചു സഞ്ചരിക്കുന്നത്. പക്ഷെ മനസിലെ മഴക്കോളാലുള്ളു പൊള്ളുമ്പോഴും, ആര്ത്തിരമ്പിയെത്തുന്ന സങ്കട തിരയലയിലുഴറാതെയും , ഇടമുറിയാത്ത ഇടവപ്പാതിയിലെ പ്രണയ പരതയിലും പിന്നെയും കാരണമല്ലാത്തയോരോ കാരണങ്ങൾ കാട്ടി വേരുകൾ കൊണ്ട് പരസ്പരം പുണർന്നു നിൽക്കുന്ന മരങ്ങൾ... മരക്കൊമ്പിലെ കിളിക്കൂടുകളും മരക്കൂട്ടിലെ കിളിക്കൊഞ്ചലും കണ്ടു കണ്ടങ്ങനെ ഇലകൾ കൊണ്ട് തമ്മിലുമ്മ വച്ച് കാറ്റിന്റെ കുസൃതികളാണിതെന്ന് വെറുതെ പരിഭവം പറയുന്ന മരങ്ങൾ.... പുറം കാഴ്ചയിൽ തീർത്തും നിസംഗരായി നിൽക്കുന്ന മരങ്ങൾ...
Sunday, November 25, 2018
Monday, November 12, 2018
മഴപ്പെയ്ത്ത്
മഴ പെയ്തിരുന്നു.....
സ്വപ്നത്തിൽ ഇന്നലെയും
മഴ പെയ്തിരുന്നു.....
ഇടമുറിയാതെ,
ഇടി മിന്നലുകളില്ലാതെ,
ഇരവിലിന്നലെയും
മഴ പെയ്തിരുന്നു .....
ഇരുൾ പുതച്ചു കിടന്ന
ഓർമകൾക്ക് മേൽ,
പൊടി പിടിച്ചു കിടന്ന
ചിന്തകൾക്ക് മേൽ,
ചിതലരിച്ചു തുടങ്ങിയ
മോഹങ്ങൾക്ക് മേൽ
മഴ തോരാതെ പെയ്തിരുന്നു.
ഓർമകളുടെ ഇരുളറകളിലെവിടെയോ
മോഹങ്ങളുടെ തടവറകളിലെവിടെയോ
പ്രതീക്ഷകളുടെ ഇടവഴികളിലെവിടെയോ
ആകാശം പോലുമറിയാതെ ഇന്നലെയും
മഴ മുല്ല മലരുകൾ പൊഴിഞ്ഞിരുന്നു....
നിറമേതുമില്ലാത്ത മഴ നീരിലേഴു-
നിറമുള്ള മഴവില്ല് ഞാൻ കണ്ടിരുന്നു.
ഒരു മഴപ്പക്ഷിയായി ഞാൻ മഴ നനഞ്ഞിരുന്നു..
Sunday, November 11, 2018
Red & White Handmade Necklace
ആവശ്യമുള്ള സാധനങ്ങള് (ചിത്രം A)
1. സൂചി & നൂല്
2. ബാക്ക് ചെയിന് അല്ലെങ്കില്
3. ഹുക്ക് -1
4. റിങ്ങ്സ് - 2
5. 6 MM / 5 MM വൈറ്റ് റൌണ്ട് ബീഡ്സ് - 40 എണ്ണം
6. റെഡ് & വൈറ്റ് സ്റ്റോണ് സ്റ്റഡഡ് കുന്ദന് ബീഡ്സ് - 4
7. 6 MM ഗോള്ഡ് പ്ലേറ്റഡ് റൌണ്ട് ബീഡ്സ് - 12 എണ്ണം
8. വൈറ്റ് സ്റ്റോണ് സ്റ്റഡഡ് കുന്ദന് ബീഡ്സ് - 2
9. 12 MM വൈറ്റ് റൌണ്ട് പേള് ബീഡ്സ് - 20 എണ്ണം
മാലയുണ്ടാക്കുന്ന വിധം
നല്ല നീളത്തില് മുറിച്ചെടുത്ത നൂല് രണ്ടായി മടക്കി സൂചിയില് കോര്ത്ത്, നൂലിന്റെ മറ്റേ അറ്റം ഒരു റിങ്ങില് കെട്ടുക. (ചിത്രം B).
ഇനി നൂലിലേയ്ക്ക് സൂചിയിലൂടെ 20 വൈറ്റ് റൌണ്ട് ബീഡ്സ് (6 MM / 5 MM) കോര്ക്കുക (ചിത്രം C). എന്നിട്ട് നൂലിലേയ്ക്ക് ഒരു 6 MM ഗോള്ഡ് പ്ലേറ്റഡ് റൌണ്ട് ബീഡ് കോര്ക്കുക.
ഇനി നൂലില് നിന്ന് സൂചി മാറ്റിയ ശേഷം നൂലിനെ രണ്ടായി പകുത്ത്, ഒരു റെഡ് & വൈറ്റ് സ്റ്റോണ് സ്റ്റഡഡ്കുന്ദന് ബീഡിന്റെ രണ്ടു ഹോളിലേയ്ക്ക്, ഓരോ നൂലിനെ കോര്ക്കുക. എന്നിട്ട് ഓരോ നൂലിലേയ്ക്കും ഓരോ ഗോള്ഡ് പ്ലേറ്റഡ് റൌണ്ട് ബീഡ് കോര്ക്കുക. ചിത്രം D. അതുപോലെ തന്നെ ഒരു വൈറ്റ് സ്റ്റോണ് സ്റ്റഡഡ് കുന്ദന്ബീഡ് + ഓരോ ഗോള്ഡ് പ്ലേറ്റഡ് റൌണ്ട് ബീഡ് + ഒരു റെഡ് & വൈറ്റ് സ്റ്റോണ് സ്റ്റഡഡ് കുന്ദന് ബീഡ് എന്നിവ കോര്ത്തതിനു ശേഷം (ചിത്രം E) രണ്ടു നൂലിനേയും ഒരുമിച്ചു സൂചിയില് കോര്ത്തിട്ട് അതിലേയ്ക്ക് ഒരു ഗോള്ഡ് പ്ലേറ്റഡ് റൌണ്ട് ബീഡ് + 20 വൈറ്റ് റൌണ്ട് പേള് ബീഡ്സ് (12 MM) എന്നിവ കോര്ക്കുക (ചിത്രം F).
ഇനി നൂലില് 20 വൈറ്റ് റൌണ്ട് പേള് ബീഡ്സ് കോര്ക്കുന്നതിനു മുന്നെ വരെയുള്ള സ്റ്റെപ്പുകള് റിവേര്സ് ഓര്ഡറില് കമ്പ്ലീറ്റ് ചെയ്ത് (ചിത്രം G, H എന്നിവ നോക്കുക) നൂലിനെ അടുത്ത റിങ്ങില് കെട്ടി, രണ്ടു റിംഗ്സിനെയും ഹുക്കിട്ടു യോജിപ്പിക്കുകയോ, റിങ്ങ്സിനെ ബാക്ക് ചെയിനുമായി യോജിപ്പിക്കുകയോ ചെയ്യുക.റെഡ് സ്റ്റോണ് - പേള് നെക്ക്ലസ് റെഡി (ചിത്രം I)
2. ബാക്ക് ചെയിന് അല്ലെങ്കില്
3. ഹുക്ക് -1
4. റിങ്ങ്സ് - 2
5. 6 MM / 5 MM വൈറ്റ് റൌണ്ട് ബീഡ്സ് - 40 എണ്ണം
6. റെഡ് & വൈറ്റ് സ്റ്റോണ് സ്റ്റഡഡ് കുന്ദന് ബീഡ്സ് - 4
7. 6 MM ഗോള്ഡ് പ്ലേറ്റഡ് റൌണ്ട് ബീഡ്സ് - 12 എണ്ണം
8. വൈറ്റ് സ്റ്റോണ് സ്റ്റഡഡ് കുന്ദന് ബീഡ്സ് - 2
9. 12 MM വൈറ്റ് റൌണ്ട് പേള് ബീഡ്സ് - 20 എണ്ണം
മാലയുണ്ടാക്കുന്ന വിധം
നല്ല നീളത്തില് മുറിച്ചെടുത്ത നൂല് രണ്ടായി മടക്കി സൂചിയില് കോര്ത്ത്, നൂലിന്റെ മറ്റേ അറ്റം ഒരു റിങ്ങില് കെട്ടുക. (ചിത്രം B).
ഇനി നൂലിലേയ്ക്ക് സൂചിയിലൂടെ 20 വൈറ്റ് റൌണ്ട് ബീഡ്സ് (6 MM / 5 MM) കോര്ക്കുക (ചിത്രം C). എന്നിട്ട് നൂലിലേയ്ക്ക് ഒരു 6 MM ഗോള്ഡ് പ്ലേറ്റഡ് റൌണ്ട് ബീഡ് കോര്ക്കുക.
ഇനി നൂലില് 20 വൈറ്റ് റൌണ്ട് പേള് ബീഡ്സ് കോര്ക്കുന്നതിനു മുന്നെ വരെയുള്ള സ്റ്റെപ്പുകള് റിവേര്സ് ഓര്ഡറില് കമ്പ്ലീറ്റ് ചെയ്ത് (ചിത്രം G, H എന്നിവ നോക്കുക) നൂലിനെ അടുത്ത റിങ്ങില് കെട്ടി, രണ്ടു റിംഗ്സിനെയും ഹുക്കിട്ടു യോജിപ്പിക്കുകയോ, റിങ്ങ്സിനെ ബാക്ക് ചെയിനുമായി യോജിപ്പിക്കുകയോ ചെയ്യുക.റെഡ് സ്റ്റോണ് - പേള് നെക്ക്ലസ് റെഡി (ചിത്രം I)
Tuesday, November 6, 2018
Friday, October 5, 2018
കളിക്കൂട്ടുകാരാ Malayalam Poem
ഇലക്കുമ്പിളില് മഴത്തുള്ളി പോൽ
മരച്ചില്ലയില് കിളിക്കൂടു പോൽ...........
മരച്ചില്ലയില് കിളിക്കൂടു പോൽ...........
Subscribe to:
Posts (Atom)