Coconut Condensed Milk Laddu

Coconut Condensed Milk Laddu Recipe കോക്കനട്ട് കണ്ടന്‍സ്ഡ്‌ മില്‍ക്ക് ലഡൂസ്

ആവശ്യമുള്ള സാധനങ്ങള്‍

•     ഡ്രൈ കോക്കനട്ട് പൌഡര്‍ - 1 കപ്പ് + 1 ടേബിള്‍ സ്പൂണ്‍

•     ഡ്രൈ കോക്കനട്ട് പൌഡര്‍ - 1 ടേബിള്‍ സ്പൂണ്‍ (ലഡൂസ് കോട്ട് ചെയ്തെടുക്കാന്‍)

•     സ്വീറ്റന്‍ഡ്‌ കണ്ടന്‍സ്ഡ്‌ മില്‍ക്ക് - 3 ടേബിള്‍ സ്പൂണ്‍

•     ഏലയ്ക്കാപ്പൊടി - 1/4 ടീ സ്പൂണ്‍

തയ്യാറാക്കുന്ന വിധം

ഒരു ടേബിള്‍ സ്പൂണ്‍ ഡ്രൈ കോക്കനട്ട് പൌഡര്‍ ഒരു ബൌളില്‍ എടുത്തു വയ്ക്കുക. മറ്റൊരു വലിയ ബൌളില്‍ 1 കപ്പ് + 1 ടേബിള്‍ സ്പൂണ്‍ ഡ്രൈ കോക്കനട്ട് പൌഡര്‍, സ്വീറ്റന്‍ഡ്‌ കണ്ടന്‍സ്ഡ്‌ മില്‍ക്ക്, ഏലയ്ക്കാപ്പൊടി എന്നിവയെടുത്ത് കൈ കൊണ്ട് നന്നായി കുഴച്ച് യോജിപ്പിച്ച് 8-10 തുല്യ വലിപ്പത്തിലുള്ള ഉരുളകളായി ഉരുട്ടിയെടുക്കുക. ഇനി ഓരോ ഉരുളയെയും നേരത്തെ ബൌളില്‍ എടുത്ത് വച്ച ഡ്രൈ കോക്കനട്ട് പൌഡറില്‍ പൊതിഞ്ഞെടുക്കുക. ഒരു മണിക്കൂര്‍ ഫ്രിഡ്ജില്‍ വച്ച ശേഷം ഉപയോഗിക്കുക.

Comments

കസ്റ്റാര്‍ഡ്‌ പൌഡര്‍ ഹല്‍വ Custard Powder Halwa

Custard Powder Halwa :- One of my recipe published in Sthree Dhanam magazine .

ആവശ്യമുള്ള സാധനങ്ങള്‍

• കസ്റ്റാര്‍ഡ്‌ പൌഡര്‍ - ½ കപ്പ് 
• പഞ്ചസാര - 1 + ¼ കപ്പ് 
• വെള്ളം - 2 & ½ കപ്പ് 
• നെയ്യ് - 2 ടേബിള്‍ സ്പൂണ്‍ + ¼ ടീ സ്പൂണ്‍ 
• ഏലയ്ക്കാപ്പൊടി - 1 നുള്ള്
• കശുവണ്ടിപ്പരിപ്പ് - 5എണ്ണം, ചെറുതായി നുറുക്കിയത്

അലങ്കരിക്കാന്‍
കശുവണ്ടിപ്പരിപ്പ് - 10 എണ്ണം

തയ്യാറാക്കുന്ന വിധം
ഹല്‍വ തണുപ്പിക്കാന്‍ വയ്ക്കാനുള്ള പാത്രം ¼ ടീ സ്പൂണ്‍ നെയ്യ് മയം പുരട്ടി വയ്ക്കുക. ഒരു വലിയ നോണ്‍ സ്റ്റിക്ക് പാനില്‍ കസ്റ്റാര്‍ഡ്‌ പൌഡര്‍, പഞ്ചസാര, വെള്ളം എന്നിവ എടുത്ത്, കൈ കൊണ്ടോ, സിലികോണ്‍ അല്ലെങ്കില്‍ വുഡന്‍ സ്പൂണ്‍ ഉപയോഗിച്ചോ നന്നായി ഇളക്കി യോജിപ്പിക്കുക. ഇതിനെ ചെറു തീയില്‍ അടുപ്പത്ത് വച്ച് ഇളക്കി കൊടുക്കുക. മിശ്രിതം കട്ട കെട്ടാതിരിക്കാനായി തുടരെ ഇളക്കുക. മിശ്രിതം അല്പം ഗ്ലോസിയായി, കട്ടിയായി തുടങ്ങുമ്പോള്‍ 1 ടേബിള്‍ സ്പൂണ്‍ നെയ്യ് ചേര്‍ത്തിളക്കുക. ഇനി ഏലയ്ക്കാപ്പൊടി കൂടെ ചേര്‍ത്തിളക്കുക. ഈ മിശ്രിതം കട്ടിയായി, ഒരുമിച്ചു പാനില്‍ നിന്ന് വിട്ടു വരുന്ന രീതിയില്‍ ഹല്‍വ പരുവത്തില്‍ ആകുന്നതു വരെ തുടരെ തുടരെ ഇളക്കി കൊണ്ടിരിക്കുക. ഇതിലേയ്ക്ക് 1 ടേബിള്‍ സ്പൂണ്‍ നെയ്യ്, നുറുക്കി വച്ചിരിക്കുന്ന കശുവണ്ടിപ്പരിപ്പ് എന്നിവ ചേര്‍ത്തിളക്കി, തീയില്‍ നിന്ന് എടുത്ത്, പെട്ടെന്ന് തന്നെ നെയ്യ് മയം പുരട്ടിയ പാത്രത്തിലേയ്ക്ക് മാറ്റി ഒരു മണിക്കൂര്‍ തണുപ്പിച്ച്, ഇഷ്ട്മുള്ള ആകൃതിയില്‍ മുറിച്ച്, കശുവണ്ടിപ്പരിപ്പ് അതിനു മുകളില്‍ വച്ച് അലങ്കരിച്ചു വിളമ്പാം. 

Comments

സേമിയ-ചൌവ്വരി പായസം Semiya Sago Payasam Onam Special Payasam

One of my Payasam recipe published in Sthree Dhanam Magazine സ്ത്രീധനം മാഗസീന്‍ on August 2017

ആവശ്യമുള്ള സാധനങ്ങള്‍

1. സേമിയ (വെര്‍മസെല്ലി) - 250 ഗ്രാം 
2. പാല്‍ - 1 1/2 ലിറ്റര്‍ 
3. ചൌവ്വരി - 1/2 കപ്പ് 
4. പഞ്ചസാര – 150 ഗ്രാം / ആവശ്യത്തിന് 
5. നെയ്യ് - 3 ടേബിള്‍ സ്പൂണ്‍ 
6. ഏലയ്ക്കാപ്പൊടി - 1/4 ടീ സ്പൂണ്‍ 
7. കശുവണ്ടിപ്പരിപ്പ് - 5 എണ്ണം / ആവശ്യത്തിന് 
8. ഉണക്ക മുന്തിരി - 5 എണ്ണം / ആവശ്യത്തിന് 
9. വെള്ളം - ആവശ്യത്തിന്

തയ്യാറാക്കുന്ന വിധം

കശുവണ്ടിപ്പരിപ്പ്, ഉണക്ക മുന്തിരി എന്നിവ 1/2 ടേബിള്‍ സ്പൂണ്‍ നെയ്യില്‍ വറുത്തു കോരി മാറ്റി വയ്ക്കുക. ഒരു വലിയ പാനില്‍ 4 കപ്പ് വെള്ളമൊഴിച്ച്, വെള്ളം നന്നായി തിളയ്ക്കുമ്പോള്‍ ,തീ കുറച്ചു വച്ച് ,ചൌവ്വരി ചേര്‍ക്കുക. 5 മിനിട്ട് കഴിഞ്ഞു , തീ അല്പം കൂട്ടി വച്ച് (മീഡിയം തീയില്‍ ) 30 മിനിട്ടോളം (ചൌവ്വരിയുടെ നിറം പൂര്‍ണ്ണമായി മാറുന്നത് വരെ ) വേവിക്കുക. ഒരുരുളിയിലോ ചുവടു കട്ടിയുള്ള പാനിലോ 2 ടേബിള്‍ സ്പൂണ്‍ നെയ്യൊഴിച്ച് മീഡിയം തീയില്‍ അടുപ്പതു വച്ച് , അത് ചൂടാകുമ്പോള്‍, സേമിയ ചെറുതായി ഒടിച്ചത് പാനിലേയ്ക്കിട്ടു, നല്ല ഗോള്‍ഡന്‍ ബ്രൗണ്‍ നിറമാകുന്നതു വരെ വറുക്കുക. പാനിലേയ്ക്ക് 1 കപ്പ് വെള്ളമൊഴിച്ച് സേമിയ വേവിക്കുക. വെള്ളം വറ്റാറായി, സേമിയ മുക്കാല്‍ വേവാകുമ്പോള്‍ പഞ്ചസാര ചേര്‍ത്തിളക്കി വേവിക്കുക. ഇതിലേയ്ക്ക് പാലൊഴിച്ച് തുടരെ ഇളക്കുക. വെന്ത ചൌവ്വരി അപ്പോള്‍ തന്നെ അടുപ്പത്തൂന്ന് മാറ്റി തണുത്ത വെള്ളത്തില്‍ കഴുകി, വെള്ളം തോര്‍ത്തിയെടുത്തു സേമിയ -പാല്‍ മിശ്രിതത്തിലേയ്ക്കിടുക.. ആവശ്യമെങ്കില്‍ നെയ്യ് ചേര്‍ക്കുക. ഇടയ്ക്ക് ഇളക്കി കൊടുക്കണം. പാല്‍ കുറുകി പായസപ്പരുവമായാൽ തീ കെടുത്തി ഏലക്കാപ്പൊടി ചേർത്തിളക്കി, വറുത്തു വച്ചിരിക്കുന്ന കശുവണ്ടിപ്പരിപ്പ്, ഉണക്ക മുന്തിരി എന്നിവ വിതറി പാത്രം അടച്ചു വയ്ക്കുക. ചൂടോടെയോ , നന്നായി തണുത്ത ശേഷം ഫ്രിഡ്ജില്‍ വച്ച് തണുപ്പിച്ചോ ഉപയോഗിക്കാം.

Comments

Sago Poppy Seeds Pudding ചൌവരി കശ്കശ് പുഡിംഗ്

One of my pudding recipe published in Sthree Dhanam Magazine സ്ത്രീധനം മാഗസീന്‍ on February 2017

ആവശ്യമുള്ള സാധനങ്ങള്‍

1. ചൌവരി - 3/4 കപ്പ് 
2. പാല്‍ - 2  കപ്പ് 
3. സ്വീറ്റന്‍ഡ്‌ കണ്ടന്‍സ്ഡ്‌ മില്‍ക്ക് - 1/2 കപ്പ് 
4. കശ്കശ് - 1/4 കപ്പ് 
5. റോസ് വാട്ടര്‍ - 1/4 ടീ സ്പൂണ്‍ (optional)
6. പഞ്ചസാര - 4 ടേബിള്‍ സ്പൂണ്‍ 
7. കശുവണ്ടിപ്പരിപ്പ്  - 4, 5 
8. നെയ്യ് / എണ്ണ - 1 ടേബിള്‍ സ്പൂണ്‍ 
9. സ്ട്രോബറി മിക്സ്‌ - 3 തുള്ളി 

തയ്യാറാക്കുന്ന വിധം 

വെവ്വേറെ ബൌളുകളില്‍ ചൌവരി, കശ്കശ് എന്നിവയെടുത്ത് , അതില്‍ നല്ല തണുത്ത വെള്ളം ഒഴിച്ച് 30 മിനിട്ട് വയ്ക്കുക. ചൌവരി, കശ്കശ് എന്നിവയുടെ വലിപ്പം കൂടുന്നതായി കാണാം. കശുവണ്ടിപ്പരിപ്പ് നെയ്യിലോ എണ്ണയിലോ വറുത്തു മാറ്റി വയ്ക്കുക.  ചൌവരി കഴുകി മാറ്റി വയ്ക്കുക. ഒരു  പാന്‍ അടുപ്പത്ത് വച്ച്  അതില്‍ 2 കപ്പ് വെള്ളമൊഴിച്ച്, വെള്ളം തിളയ്ക്കുമ്പോള്‍  അതിലേയ്ക്ക് ചൌവരി ഇട്ട് 3, 4 മിനിറ്റ് വേവിക്കുക.  മറ്റൊരു  പാനില്‍ പാല്‍ ഒഴിച്ച്,  അടുപ്പത്ത് വച്ച് തിളപ്പിക്കുക. ചൌവരി പകുതി  വേവാകുമ്പോള്‍, വെള്ളം തോര്‍ത്തിയെടുത്ത്,  പാലില്‍ ഇട്ട്, പഞ്ചസാരയും കൂടെ ചേര്‍ത്ത് തുടരെ 5, 6 മിനിട്ട്  ഇളക്കുക.  ചൌവരി നന്നായി വെന്ത്, മിശ്രിതം കട്ടിയായി തുടങ്ങുമ്പോള്‍ തീയണച്ച്  വച്ച് , ഇളക്കി കൊണ്ട് തന്നെ സ്വീറ്റന്‍ഡ്‌ കണ്ടന്‍സ്ഡ്‌ മില്‍ക്ക് അല്പാല്പമായി പാലില്‍ ചേര്‍ക്കുക. ഇതിനെ ഒരു മിക്സിംഗ് ബൌളിലേയ്ക്ക് പകര്‍ന്ന്, 30 മിനിട്ട് തണുക്കാന്‍ അനുവദിക്കുക. ഇനി ഇതിലേക്ക് റോസ് വാട്ടര്‍, സ്ട്രോബറി മിക്സ്‌, കശ്കശ്  എന്നിവ ചേര്‍ത്തിളക്കി യോജിപ്പിച്ച്, വിളമ്പാനുള്ള ബൌളുകളിലേയ്ക്ക് പകര്‍ന്നു അലുമിനിയം ഫോയില്‍ കൊണ്ട് പൊതിഞ്ഞ്, 2, 3 മണിക്കൂര്‍ ഫ്രിഡ്ജില്‍ വച്ച് തണുപ്പിച്ച്, വിളമ്പുമ്പോള്‍ വറുത്തു വച്ചിരിക്കുന്ന കശുവണ്ടിപ്പരിപ്പ് പുഡിംഗിനു മുകളില്‍ വിതറുക.

Comments

China grass Pudding with Jam Nuts toppings ചൈന ഗ്രാസ് പുഡിംഗ് വിത്ത്‌ ജാം നട്ട്സ് ടോപിങ്ങ്സ്

ചൈന ഗ്രാസ് പുഡിംഗ് വിത്ത്‌ ജാം നട്ട്സ് ടോപിങ്ങ്സ്

One of my pudding recipe published in Sthree Dhanam Magazine സ്ത്രീധനം മാഗസീന്‍ on February 2017

 ആവശ്യമുള്ള സാധനങ്ങള്‍ 

1. പാല്‍ - 1/2 ലിറ്റര്‍ 
2. സ്വീറ്റന്‍ഡ്‌ കണ്ടന്‍സ്ഡ്‌ മില്‍ക്ക് - 1ക്യാന്‍ / 14 ഔണ്‍സ് 
3. ചൈന ഗ്രാസ് പൌഡര്‍ - 2 ടീ സ്പൂണ്‍ അല്ലെങ്കില്‍ 10 ഗ്രാം ചൈന ഗ്രാസ് സ്ട്രാന്‍സ് 
4. പഞ്ചസാര - 5 ടേബിള്‍ സ്പൂണ്‍ 
5. ഇഷ്ട്ടമുള്ള ജാം - 5 ടേബിള്‍ സ്പൂണ്‍ 
6. കശുവണ്ടിപ്പരിപ്പ് - 5 എണ്ണം 
7. ബദാം - 5 എണ്ണം

തയാറാക്കുന്ന വിധം

കശുവണ്ടിപ്പരിപ്പും ബദാമും വറുത്തു, തണുക്കുമ്പോള്‍ മിക്സിയില്‍ പൊടിച്ച് വയ്ക്കുക. ചുവടു കട്ടിയുള്ള ഒരു പാനില്‍ പാലൊഴിച്ച് അടുപ്പത്ത് വച്ച്, അത് തിളയ്ക്കുമ്പോള്‍ തീ കുറച്ചു വച്ച്, പഞ്ചസാര, ചൈന ഗ്രാസ് പൌഡര്‍ എന്നിവ ചേര്‍ത്ത് 4, 5 മിനിട്ട് തുടരെ ഇളക്കി കൊടുക്കുക. (ചൈന ഗ്രാസ് സ്ട്രാന്‍സ് ആണ് ഉപയോഗിക്കുന്നത് എങ്കില്‍ ചൈന ഗ്രാസ് കഴുകി 2 കപ്പ്‌ തണുത്ത വെള്ളത്തില്‍ 30 മിനിറ്റ് കുതിരാൻ വയ്ക്കുക. വെള്ളം വാര്‍ത്തു കളഞ്ഞ ശേഷം ചൈന ഗ്രാസ്സിനെ ചൂടു പാലിലേക്ക് ഒഴിച്ച്, നന്നായി അലിഞ്ഞു ചേരുന്നത് വരെ ഇളക്കി കൊടുക്കുക). 

ചെറു തീയില്‍ വച്ച് ഇളക്കി കൊണ്ട് തന്നെ സ്വീറ്റന്‍ഡ്‌ കണ്ടന്‍സ്ഡ്‌ മില്‍ക്ക് അല്പാല്പമായി പാലില്‍ ചേര്‍ക്കുക. മിശ്രിതം കട്ടിയാകുമ്പോള്‍ തീയണച്ച്, അടുപ്പില്‍ നിന്ന് മാറ്റി, വെണ്ണ മയം പുരട്ടിയ ബൌളുകളിലേയ്ക്ക് പകരാം . ചൂടാറിയ ശേഷം 2, 3 മണിക്കൂര്‍ ഫ്രിഡ്ജില്‍ വച്ച് തണുപ്പിക്കുക. ആവശ്യമുള്ള ജാം ഒരു മിക്സിംഗ് ബൌളില്‍ എടുത്ത് നന്നായി മാഷ്‌ ചെയ്തു വയ്ക്കുക. ഫ്രിഡ്ജില്‍ നിന്ന് പുഡിംഗ് എടുത്ത്, അതിനെ ബൌളില്‍ നിന്ന് പ്ലേറ്റിലേയ്ക്ക് മാറ്റി വച്ച്, മുകള്‍ ഭാഗത്ത്‌ ജാം തേയ്ച്ചു പിടിപ്പിക്കുക. അതിനു മുകളിലായി പൊടിച്ച് വച്ചിരിക്കുന്ന നട്ട്സ് വിതറാം. ഇനി ഇഷ്ട്മുള്ള ആകൃതിയില്‍ മുറിച്ചെടുത്ത്‌ വിളമ്പാം.

Comments

Scones Recipe സ്‌കോണ്‍സ്

Scones (സ്‌കോണ്‍സ്) Recipe  published in Sthree Dhanam (സ്ത്രീധനം)  Magazine

ആവശ്യമുള്ള സാധനങ്ങള്‍

• മൈദാ മാവ് - 2 കപ്പ് 
• പഞ്ചസാര, പൊടിച്ചത് - 1/4 കപ്പ് 
• ബേക്കിംഗ് പൌഡര്‍ - 2 ടീ സ്പൂണ്‍ 
• ഉപ്പ് - 1/8 ടീ സ്പൂണ്‍ 
• വെണ്ണ - 6 ടേബിള്‍ സ്പൂണ്‍ 
• മുട്ട - 1 (മുട്ട നന്നായി അടിച്ചു പതപ്പിച്ചതില്‍ നിന്ന് 1 ടേബിള്‍ സ്പൂണ്‍ മാറ്റി വയ്ക്കുക.) 
• ബട്ടര്‍മില്‍ക്ക് - 1/2 കപ്പ്

തയ്യാറാക്കുന്ന വിധം

ഓവൻ180ഡിഗ്രി സെല്‍ഷ്യസില്‍ പ്രീഹീറ്റ് ചെയ്യുക.

ബേക്കിങ്ങ് ട്രേയിൽ ബേക്കിംഗ് ഷീറ്റ് വിരിക്കുകയോ, പാര്‍ച്മെന്‍റ്  പേപ്പര്‍ ഇട്ടു വയ്ക്കുകയോ ചെയ്യുക. 

 

ഒരു ബൌളില്‍ മൈദാ മാവ്, ബേക്കിംഗ് പൌഡര്‍, ഉപ്പ് എന്നിവയെടുത്ത്, സ്പൂണ്‍ കൊണ്ട് ചേര്‍ത്തിളക്കി യോജിപ്പിക്കുക. മറ്റൊരു വലിയ ബൌളില്‍ ബട്ടര്‍ എടുത്ത്, അതിനെ ഒരു ഹാന്‍ഡ് മിക്‌സര്‍ ഉപയോഗിച്ച് ഒന്ന് ബീറ്റ് ചെയ്തു ബട്ടര്‍ ഉടച്ചെടുക്കുക.. അതിലേക്കു 1/4 കപ്പ് പഞ്ചസാര പൊടിച്ചത് ചേര്‍ത്ത് ഇളക്കി യോജിപ്പിക്കുക. ഇനി മുട്ടയും ബട്ടര്‍ മില്‍ക്കും ചേര്‍ത്ത് 15 സെക്കന്റ്‌ ബീറ്റ് ചെയ്യുക. ഇതിലേക്ക് മൈദ - ബേക്കിംഗ് പൌഡര്‍ മിശ്രിതം കൂടെ ചേര്‍ത്ത് കൈ കൊണ്ട് കുഴച്ചു യോജിപ്പിക്കുക. ഒത്തിരി നേരം നീഡ്‌ ചെയ്യേണ്ടതില്ല, എല്ലാം ചേര്‍ത്തിളക്കി യോജിപ്പിച്ചു എന്ന് ഉറപ്പാക്കിയാല്‍ മതി. വര്‍ക്ക്‌ സ്പെയ്സില്‍ അല്പം മൈദ പൊടി വിതറി, കുഴച്ചെടുത്ത സ്‌കോണ്‍സ് ഡോ അവിടെ വച്ച് 8 ഇഞ്ച്‌ (20 cm) റൌണ്ട് ആയി പരത്തിയെടുക്കുക. എന്നിട്ട് അതിനെ 8 ത്രികോണങ്ങള്‍ ആയി ഭാഗിക്കുക. ഓരോ ത്രികോണത്തെയും 2 ഇഞ്ച്‌ അകലത്തിലായി തയാറാക്കു വച്ചിരിക്കുന്ന ബേക്കിങ്ങ് ട്രേയിൽ നിരത്തുക. ഒരു പേസ്ട്രി ബ്രഷ് ഉപയോഗിച്ച്, നേരത്തെ മാറ്റി വച്ചിരിക്കുന്ന 1 ടേബിള്‍ സ്പൂണ്‍ മുട്ടയെടുത്ത് ഓരോ സ്കോണിനെയും എഗ്ഗ് വാഷ്‌ ചെയ്യുക. ഇനി ഓരോ സ്കോണിന്റെയും മുകളിലായി അല്പം പഞ്ചസാര വിതറുക. സ്‌കോണ്‍സ്ന്‍റെ മുകള്‍ ഭാഗം ക്രിസ്പി ആകാന്‍ ഇതു സഹായിക്കും. ഇനി ഇതിനെ പ്രീ ഹീറ്റ്ഡ് (180 ഡിഗ്രി സെല്‍ഷ്യസില്‍) ഓവനിൽ വച്ച് 20-30 മിനിറ്റ് ടൈം സെറ്റ് ചെയ്ത് (സ്‌കോണ്‍സ് നേരിയ ഗോള്‍ഡന്‍ ബ്രൌണ്‍ നിറമാകുന്നതു വരെ) ബേക്ക് ചെയ്തെടുക്കുക. ഇനി ബേക്കിങ്ങ് ട്രേയിൽ നിന്നെടുത്തു കൂളിംഗ്‌ റാക്കില്‍ 5 മിനുറ്റ് വയ്ക്കുക.

ചെറു ചൂടോടെ തന്നെ ചായക്കൊപ്പം കഴിക്കാം. ഇത്തരത്തില്‍ സ്‌കോണ്‍സ് ഉണ്ടാക്കുമ്പോള്‍ ചെറുതായി മുറിച്ച സ്ട്രോബറി, ബ്ലൂബറി, അല്ലെങ്കില്‍ സ്ട്രോബറി ജാം, ബ്ലൂബറി ജാം, ഇതില്‍ ഏതേലും ഒക്കെ കൂടെ ചേര്‍ത്ത് ഇവയെ സ്ട്രോബറി സ്‌കോണ്‍സ്, ബ്ലൂബറി സ്‌കോണ്‍സ് എന്നിവയാക്കി മാറ്റാം.

Comments

Bread Upma Recipe ബ്രഡ്‌ ഉപ്പുമാവ്

One of my recipe published in Sthree Dhanam Magazine സ്ത്രീധനം മാഗസീന്‍ 

INGREDIENTS:

• White bread slices – 8 nos
• Onion, finely chopped – 1, medium
• Tomato, cubed – 1 no
• Green chillies, finely chopped – 2 nos
• Ginger, grated – 1 tsp
• Turmeric powder – 1/4 tsp
• Red Chilly powder – 1 tsp
• Coriander powder – 1 tsp
• Salt – to taste
• Coriander leaves, finely chopped – 2 Tbsp
• Lemon juice – 1 tsp
• Warm water – 2 Tbsp

For Seasoning:

• Oil – 1 tsp
• Mustard seeds – 1/4 tsp
• Urad dal / Uzhunnu parippu – 1/2 tsp
• Channa dal / Kadala parippu – 1/2 tsp
• Asafoetida – 1/8 tsp

 METHOD:

• Cut each bread slices to 16 square pieces (make 4 squares from 1 bread slice and, make 4 square pieces from each of the 4 squares, you will get 16 small square pieces from one bread slice)
• Heat oil in a Kadai / thick bottomed pan and splutter mustard seeds in it.
• Now add Urad dal, Channa dal and toast till it become light brown color.
• As soon as add Asafoetisa , chopped onions, green chillies, ginger and sauté them on  medium heat till the onions become translucent.
• Now add turmeric powder, red chilly powder , coriander powder, and salt. Mix everything well and cook for 2 minutes.
• Add chopped tomatoes to the pan cover and cook till the tomatoes  are soft and mushy.
• Now add the bread pieces, lemon juice and mix it well with other ingredients. Reduce the flame. If  necessary ,add 1 or 2 Tbsp warm water, mix everything well, cover and cook for 2 more minutes.
• Remove from fire.Now add freshly chopped coriander leaves and serve it hot.

ബ്രഡ്‌ ഉപ്പുമാവ്

ചേരുവകകൾ

1. ബ്രഡ് കഷണങ്ങള്‍ - എട്ട് (ഓരോ ബ്രഡ് കഷണത്തെയും 16 ചതുര കഷണങ്ങള്‍ ആക്കുക.)
2. സവാള - 1, വളരെ ചെറുതായി, കനം കുറച്ചു അരിഞ്ഞത്‌.
3. പച്ചമുളക്‌ രണ്ട്‌- ചെറുതായി അരിഞ്ഞത്‌
4. പഴുത്ത തക്കാളി - ഒന്ന് ചെറുതായി മുറിച്ചത്
5. ഇഞ്ചി, ചതച്ചത് - 1 ടീ സ്പൂണ്‍
6. മഞ്ഞൾ പൊടി - 1/4 ടീ സ്പൂണ്‍
7. മുളക് പൊടി - 1 ടീ സ്പൂണ്‍
8. മല്ലി പൊടി - 1 ടീ സ്പൂണ്‍
9. കടുക്‌ - 1/4 ടീ സ്പൂണ്‍
10. ഉഴുന്ന് പരിപ്പ് - 1/2 ടീ സ്പൂണ്‍
11. കടല പരിപ്പ് - 1/2 ടീ സ്പൂണ്‍
12. കായം - 1/8 ടീ സ്പൂണ്‍
13. മല്ലിയില ചെറുതായി നുറുക്കിയത് - 2 ടേബിൾ സ്പൂണ്‍
14. പാചകയെണ്ണ - 1 ടീ സ്പൂണ്‍ (വെളിച്ചെണ്ണ വേണമെന്ന് നിര്‍ബന്ധമില്ല)
15. നാരങ്ങ നീര് - 2 ടീ സ്പൂണ്‍
16. ഉപ്പു – ആവശ്യത്തിനു
17. വെള്ളം - 2 ടേബിൾ സ്പൂണ്‍

തയ്യാറാക്കുന്ന വിധം

• ചീനച്ചട്ടി അടുപ്പത്തു വെച്ച്, എണ്ണ ഒഴിച്ച് ചൂടാകുമ്പോള്‍ അതില്‍ കടുക് ഇടുക.
• കടുക് പൊട്ടുമ്പോള്‍ , ഉഴുന്ന് പരിപ്പ്, കടല പരിപ്പ് എന്നിവ ഇട്ടു മൂപ്പിക്കുക.
• അതിലേക്കു കായവും, സവാള അരിഞ്ഞതും, ഇഞ്ചി ചതച്ചതും , പച്ചമുളക് വട്ടത്തിൽ മുറിച്ചതും ചേർത്ത് വഴറ്റുക.
• സവാള നന്നായി വഴന്നു വരുമ്പോൾ അതിലേക്കു, മഞ്ഞൾ പൊടി, മുളക് പൊടി, മല്ലി പൊടി , ഉപ്പു എന്നിവ ചേർത്ത് നല്ലത് പോലെ ഇളക്കി യോജിപ്പിക്കുക.
• അതിലേക്കു തക്കാളി മുറിച്ചതും ചേർത്ത് അടച്ചു വച്ച് 5 മിനിറ്റ് വേവിക്കുക.
• തക്കാളി നന്നായി വെന്തു ഉടഞ്ഞു ചേരുമ്പോൾ ബ്രഡ് കഷണങ്ങള്‍ ഇട്ടു നാരങ്ങ നീരും ചേർത്ത് നന്നായി ഇളക്കി യോജിപ്പിക്കുക.ആവശ്യമെങ്കിൽ 2, 3 ടേബിൾ സ്പൂണ്‍ വെള്ളവും ചേർത്ത് ഇളക്കാം.
• തീയില നിന്ന് മാറ്റി, ചെറുതായി നുറുക്കി വച്ചിരിക്കുന്ന മല്ലിയിലയും ചേർത്ത് 2,3 മിനിറ്റ് അടച്ചു വയ്ക്കുക.
  ബ്രഡ്‌ ഉപ്പുമാവ് തയ്യാർ.
• ചൂടോടെ പാത്രങ്ങളിലേക്ക് വിളമ്പി കഴിക്കുക.

Comments

Banana Pancake Recipe ബനാന പാന്‍കേക്ക്സ്

One of my recipe published in Sthreedhanam Magazine  on June 2016 ( ബനാന പാന്‍കേക്ക്സ്  റെസിപി 2016 ജൂണ്‍ മാസത്തെ സ്ത്രീധനം മാഗസീനില്‍ പ്രസിദ്ധീകരിച്ചു  വന്നത്) 

ആവശ്യമുള്ള സാധനങ്ങള്‍ 

• മൈദാ മാവ് അല്ലെങ്കില്‍ ഗോതമ്പു പൊടി - 1 കപ്പ് 
• പഞ്ചസാര - 2 ടേബിള്‍ സ്പൂണ്‍ 
• ബേക്കിംഗ് പൌഡര്‍ - 1 ടീ സ്പൂണ്‍ 
• ഉപ്പ് - 1/8 ടീ സ്പൂണ്‍ 
• മുട്ട , ബീറ്റ് ചെയ്തത് - 1 
• പാല്‍ - 1 കപ്പ് 
• വെജിറ്റബിള്‍ എണ്ണ - 2 ടേബിള്‍ സ്പൂണ്‍ 
• നന്നായി പഴുത്ത പഴം, ചെറുതായി മുറിച്ചത് - 2 എണ്ണം 
• കറുവപ്പട്ട പൊടിച്ചത് - 1 നുള്ള് 
• വാനില എക്സ്ട്രാറ്റ് - 1/2 ടീ സ്പൂണ്‍

തയ്യാറാക്കുന്ന വിധം 

ഒരു മിക്സിംഗ് ബൌളില്‍ മൈദാ മാവ് അല്ലെങ്കില്‍ ഗോതമ്പു പൊടി, പഞ്ചസാര, ബേക്കിംഗ് പൌഡര്‍, ഉപ്പ്, കറുവപ്പട്ട പൊടിച്ചത് എന്നിവ എടുത്ത് സ്പൂണ്‍ കൊണ്ട് ഇളക്കി യോജിപ്പിക്കുക. പാല്‍, ചെറുതായി മുറിച്ച പഴം, മുട്ട ബീറ്റ് ചെയ്തത്, വാനില എക്സ്ട്രാറ്റ്, വെജിറ്റബിള്‍ ഓയില്‍ എന്നിവ മിക്സിയില്‍ അടിച്ചെടുത്തു മറ്റൊരു ബൌളിലേയ്ക്ക് ഒഴിച്ച് വയ്ക്കുക. ഇനിയീ പാല്‍- പഴം- മുട്ട മിശ്രിതത്തിലേയ്ക്ക് മൈദ-പഞ്ചസാര മിശ്രിതം കുറേശ്ശെയായി ചേര്‍ത്ത് ഇളക്കി യോജിപ്പിക്കുക. ദോശമാവിന്റെ പരുവത്തിൽ ആണ് മാവ് കലക്കേണ്ടുന്നത്. 

ഒരു പാന്‍ അടുപ്പത്ത് വച്ച്, ചൂടാകുമ്പോള്‍ നെയ്യ് മയം പുരട്ടി, ഒരു തവി മാവ് ഒഴിച്ചു കനം കുറച്ചു പരത്തി, ഇരു പുറവും ഗോള്‍ഡന്‍ ബ്രൌണ്‍ നിറമാകുന്നതു വരെ വേവിച്ച് പാന്‍കേക്കുകള്‍ ഉണ്ടാക്കുക. ഓരോ പാന്‍കേക്കിലും തേങ്ങ-പഞ്ചസാര കൂട്ടു വച്ച് ചുരുട്ടി പ്ലേറ്റില്‍ വയ്ക്കുക. അല്ലെങ്കില്‍ തേനോ മാപ്പിള്‍ സിറപ്പോ ഒഴിച്ച് അധികം തണുക്കാതെ വിളമ്പുക.

Comments

Chicken 65 Recipe ചിക്കന്‍ 65

ആവശ്യമുള്ള സാധനങ്ങള്‍

• എല്ലില്ലാത്ത കോഴിക്കഷണങ്ങള്‍ (ഇടത്തരം കഷണങ്ങള്‍ ആയി മുറിച്ചത്) - 1/2 കിലോ 
• എണ്ണ – മുക്കിപ്പൊരിക്കാന്‍ ആവശ്യമായത്

അരച്ചെടുക്കേണ്ട ചേരുവകള്‍

• ഇഞ്ചി - 2 ഇഞ്ച്‌ നീളത്തില്‍ (ഇഞ്ചി പേസ്റ്റ് - 1 ടേബിള്‍ സ്പൂണ്‍) 
• വെളുത്തുള്ളി - 2 അല്ലി 
• പച്ചമുളക് - 2 
• മല്ലിയില - 1 പിടി 
• കറിവേപ്പില - 2 തണ്ട്

മസാലയ്ക്കായി ചേര്‍ത്ത് യോജിപ്പിച്ചു വയ്ക്കേണ്ടുന്ന ചേരുവകള്‍

• മുളകു പൊടി - 2 ടീസ്പൂണ്‍ 
• മല്ലിപ്പൊടി - 2 ടീസ്പൂണ്‍ 
• മഞ്ഞള്‍ പൊടി - 1/4 ടീസ്പൂണ്‍ 
• ഗരം മസാല – 1ടീസ്പൂണ്‍ 
• ജീരകപ്പൊടി - 1/2 ടീസ്പൂണ്‍ 
• കോണ്‍ ഫ്ലോര്‍ - 1 ടേബിള്‍ സ്പൂണ്‍ 
• അരിപ്പൊടി - 2 ടേബിള്‍ സ്പൂണ്‍ 
• മൈദമാവ്‌ - 3 ടേബിള്‍ സ്പൂണ്‍ 
• തൈര് - 4 ടേബിള്‍ സ്പൂണ്‍ 
• നാരങ്ങാനീര് - 3 ടേബിള്‍ സ്പൂണ്‍ 
• ഉപ്പ് - ആവശ്യത്തിന് 
• റെഡ് ഫുഡ്‌ കളര്‍ - 2 തുള്ളി (optional)

അലങ്കരിക്കുന്നതിന് 

• സവാള - വട്ടത്തില്‍ കനം കുറച്ചരിഞ്ഞത് 
• മല്ലിയില 
• ചെറു നാരങ്ങ മുറിച്ചത്

തയ്യാറാക്കുന്ന വിധം 

അരച്ചെടുക്കേണ്ട ചേരുവകള്‍ അരച്ചെടുത്ത് മസാലയ്ക്കായി യോജിപ്പിച്ചു വച്ചിരിക്കുന്ന ചേരുവകളുമായി മിക്സ്‌ ചെയ്ത് മാറ്റി വയ്ക്കുക. മസാലയില്‍ ആവശ്യത്തിന് ഉപ്പുണ്ടോ എന്ന് നോക്കുക. നന്നായി കഴുകി വൃത്തിയാക്കിയെടുത്ത കോഴി കഷണങ്ങള്‍ ഈ മസാലക്കൂട്ടിലേയ്ക്ക് ചേര്‍ത്ത് ഒരു മണിക്കൂര്‍ വയ്ക്കുക. 

ഒരു പാനോ ചീനച്ചട്ടിയോ അടുപ്പത്ത് വച്ച് അതില്‍ വറുക്കാനാവശ്യമായ എണ്ണയൊഴിച്ച്, പാന്‍ നന്നായി ചൂടാകുമ്പോള്‍ അതിലേയ്ക്ക് കോഴിക്കഷണങ്ങള്‍ ഇട്ട്, അവ ബ്രൌണ്‍ നിറമാകുമ്പോള്‍ വറുത്തു കോരുക. വറുത്തെടുത്ത കോഴിക്കഷണങ്ങളെ വിളമ്പാനുള്ള പാത്രത്തിലേക്ക് മാറ്റി സവാള, മല്ലിയില, ചെറു നാരങ്ങ മുറിച്ചത് എന്നിവ ഉപയോഗിച്ച് അലങ്കരിച്ചു വിളമ്പാം.

 

Comments

Onion Rings ഒണിയന്‍ റിങ്ങ്സ് / സവാള റിങ്ങ്സ്

 ആവശ്യമുള്ള സാധനങ്ങള്‍ 

• സവാള - 2 
• മൈദ - 1/2 കപ്പ് + 1 ടേബിള്‍ സ്പൂണ്‍ 
• അരിപ്പൊടി - 1/4 കപ്പ് 
• ബേക്കിംഗ് പൌഡര്‍ - 1/2 ടീ സ്പൂണ്‍ 
• മുളകു പൊടി - 1/4 ടീ സ്പൂണ്‍ 
• വെളുത്തുള്ളി പൌഡര്‍ - 1 നുള്ള് 
• കുരുമുളക് പൊടി - 1 നുള്ള് 
• ഉപ്പ് - 1/8 ടീ സ്പൂണ്‍
• പാല്‍ - 3/4 കപ്പ് 
• ബ്രെഡ്‌ ക്രംപ്സ് - 3/4 കപ്പ് 
• എണ്ണ - മുക്കിപ്പൊരിക്കാന്‍ ആവശ്യത്തിന്

തയ്യാറാക്കുന്ന വിധം

സവാള 1/4 ഇഞ്ച്‌ കനത്തില്‍ വട്ടത്തില്‍ കുറുകെ കട്ട്‌ ചെയ്ത്, ഇതിൽ നിന്നു ഒണിയന്‍ റിങ്ങ്സ് ലയെർ മാറ്റി എടുക്കുക.

ഒരു മിക്സിംഗ് ബൌളില്‍ മൈദയെടുത്ത്, ഓരോ ഒണിയന്‍ റിങ്ങ്സിനെയും മൈദാ മാവില്‍ നന്നായി കോട്ട് ചെയ്തെടുത്തു മാറ്റി വയ്ക്കുക. ഇനി ആ ബൌളിലേയ്ക്ക് അരിപ്പൊടി, ബേക്കിംഗ് പൌഡര്‍, മുളകുപൊടി, വെളുത്തുള്ളി പൌഡര്‍, കുരുമുളക് പൊടി, ഉപ്പ് എന്നിവ എടുത്ത് ഒരു വിസ്ക്ക് കൊണ്ട് ഇളക്കി യോജിപ്പിക്കുക. ഇതിലേയ്ക്ക് പാല് കൂടെ ഒഴിച്ച്, എല്ലാം ഒന്നു മിക്സ്‌ ചെയ്ത് എടുക്കുക. ബാറ്റര്‍ റെഡി. ബാറ്റര്‍ ഒത്തിരി കട്ടിയാകാനോ തീരെ വെള്ളം പോലെ ആകാനോ പാടില്ല. ദോശ മാവിന്‍റെ പരുവം ആണ് വേണ്ടത്. ഒണിയന്‍ റിങ്ങ്സ് ഓരോന്നായെടുത്ത് ഈ ബാറ്ററില്‍ മുക്കി ഒരു വയര്‍ റാക്കിലേയ്ക്ക് മാറ്റി വയ്ക്കുക. വയര്‍ റാക്കിനടിയില്‍ കിച്ചന്‍ ടവ്വലോ, പ്ലാസ്റിക് ഷീറ്റോ, അലുമിനിയം ഫോയിലോ ഇട്ടിട്ടു വേണം മാവില്‍ മുക്കിയെടുത്ത ഒണിയന്‍ റിങ്ങ്സ് നിരത്തി വയ്ക്കേണ്ടുന്നത് (ഒണിയന്‍ റിങ്ങ്സില്‍ നിന്ന് മാവ് ട്രിപ്പ് ചെയ്യുന്നുണ്ടായിരിക്കും എന്ന് ഓര്‍ക്കുക). ഒരു പ്ലേറ്റിലോ വലിയ ബൌളിലോ ബ്രെഡ്‌ ക്രംപ്സ് എടുക്കുക. മാവില്‍ മുക്കിയെടുത്തു വയര്‍ റാക്കില്‍ വച്ചിരിക്കുന്ന ഒണിയന്‍ റിങ്ങ്സ് ഓരോന്നായി എടുത്ത് ബ്രെഡ്‌ ക്രംപ്സ് കോട്ട് ചെയ്തു മറ്റൊരു വയര്‍ റാക്കിലോ പ്ലേറ്റിലോ നിരത്തി വയ്ക്കുക. ഒരു ചീനച്ചട്ടി അടുപ്പത്ത് വച്ച്, മുക്കിപ്പൊരിക്കാന്‍ ആവശ്യത്തിന് എണ്ണയൊഴിച്ച്, അത് നന്നായി ചൂടാകുമ്പോള്‍ ഒണിയന്‍ റിങ്ങ്സ് എണ്ണയിലേയ്ക്കിട്ടു ഇരു പുറവും ഗോള്‍ഡന്‍ ബ്രൌണ്‍ നിറമാകുമ്പോള്‍ വറുത്തു കോരുക. തീ ഒത്തിരി കൂട്ടി വയ്ക്കരുത്, മീഡിയം ഫ്ലയ്മില്‍ വേണം വറുത്തെടുക്കാന്‍, അല്ലെങ്കില്‍ ഒണിയന്‍ റിങ്ങ്സ് വേണ്ടത്ര ക്രിസ്പി ആവില്ല. ടോമടോ സോസിനോപ്പമോ ഏതെങ്കിലും ചട്ണിയോടോപ്പമോ കഴിക്കാം.

Comments

Lemon-Buttermilk Bundt Cake ബട്ടര്‍ മില്‍ക്ക് ബെര്‍ണ്ട് കേക്ക്

ആവശ്യമുള്ള സാധങ്ങള്‍ 

1. മൈദാ മാവ് അല്ലെങ്കില്‍ ഗോതമ്പു പൊടി അരിച്ചെടുത്തത് - 3 കപ്പ് 
2. ബേക്കിംഗ് സോഡാ - ½ ടീ സ്പൂണ്‍ 
3. ഉപ്പ് - ½ ടീ സ്പൂണ്‍ 
4. ഉപ്പില്ലാത്ത വെണ്ണ - 1 കപ്പ് (2 സ്ടിക്ക്സ്) 
5. പഞ്ചസാര പൊടിച്ചത് - ഒന്നേകാല്‍ കപ്പ് 
6. മുട്ട - 3 എണ്ണം 
7. ബട്ടര്‍ മില്‍ക്ക് - 1 കപ്പ് 
8. ചെറുനാരങ്ങാ തൊലി ചുരണ്ടിയത് - 2 ടേബിള്‍ സ്പൂണ്‍ 
9. ചെറുനാരങ്ങാനീര് - 2 ടേബിള്‍ സ്പൂണ്‍

സിറപ്പ് ഉണ്ടാക്കുന്നതിനു ആവശ്യമായവ

• വെള്ളം - 1/3 കപ്പ് 
• പഞ്ചസാര പൊടിച്ചത് - 1/3 കപ്പ് 
• ചെറുനാരങ്ങാനീര് - 2 ടേബിള്‍ സ്പൂണ്‍

ഗ്ലെയ്സിനു ആവശ്യമായവ

• പഞ്ചസാര പൊടിച്ചത് - 1കപ്പ് 
• ചെറുനാരങ്ങാനീര് - 2 ടേബിള്‍ സ്പൂണ്‍ 
• ഉപ്പില്ലാത്ത വെണ്ണ - 1 ടേബിള്‍ സ്പൂണ്‍ 
• ചെറുനാരങ്ങാ തൊലി ചുരണ്ടിയത് - ½ ടീ സ്പൂണ്‍

കേക്ക് ഉണ്ടാക്കുന്ന വിധം 

വെണ്ണ, മുട്ട എന്നിവ ഒരു മണിക്കൂര്‍ നേരത്തെയെങ്കിലും ഫ്രിഡ്ജിൽ നിന്ന് വെളിയിൽ എടുത്ത് വയ്ക്കുക. ഓവൻ 165 ഡിഗ്രി പ്രീഹീറ്റ് ചെയ്യുക. ഒരു 10 ഇഞ്ച്‌ ബെര്‍ണ്ട് കേക്ക് പാനില്‍ വെണ്ണ മയം പുരട്ടി വയ്ക്കുക.

ഒരു ബൌളില്‍ ഗോതമ്പു പൊടിയും ബേക്കിംഗ് സോഡയും അരിച്ചെടുക്കുക. അതിലേക്കു ഉപ്പ് കൂടെ ചേര്‍ത്തിളക്കുക. മറ്റൊരു ബൌളില്‍ വെണ്ണയെടുത്തു ഹാന്‍ഡ്‌ മികസര്‍ ഉപയോഗിച്ച് വെണ്ണ നല്ല സ്മൂത്ത്‌ ആകുന്നതു വരെ 3-4 മിനുറ്റ് ബീറ്റ് ചെയ്യുക. ഇതിലേക്ക് പഞ്ചസാര പൊടിച്ചത് ചേര്‍ത്ത് വീണ്ടും 1 മിനുട്ട് ബീറ്റ് ചെയ്യുക. മുട്ട ഓരോന്നായി ബൌളിലേയ്ക്ക് ഒഴിച്ച് ഓരോന്നും ഓരോ മിനുട്ട് വീതം എന്ന രീതിയില്‍ മൂന്നു മുട്ടയും വെണ്ണ-പഞ്ചസാര മിശ്രിതത്തില്‍ ബീറ്റ് ചെയ്തു യോജിപ്പിക്കുക. മറ്റൊരു ബൌളില്‍ ബട്ടര്‍ മില്‍ക്ക്, ചെറുനാരങ്ങാ തൊലി ചുരണ്ടിയത്, ചെറുനാരങ്ങാനീര് എന്നിവയെടുത്ത് നന്നായി മിക്സ് ചെയ്തു മാറ്റി വയ്ക്കുക. ഇനി വെണ്ണ-പഞ്ചസാര മിശ്രിതവും ബട്ടര്‍ മില്‍ക്ക് - ചെറുനാരങ്ങാ മിശ്രിതവും ഗോതമ്പു പൊടിയിലേക്കു ഒഴിച്ച് നന്നായി ഇളക്കി യോജിപ്പിക്കുക (കേക്കിന്റെ ബാറ്റര്‍ ഒത്തിരി നേരം മിക്സ് ചെയ്യരുത്, കേക്ക് കട്ടിയായി പോകും). തയ്യാറാക്കി വച്ചിരിക്കുന്ന കേക്ക് പാനിലേയ്ക്ക് ഈ മിശ്രിതം ഒഴിച്ച്, പ്രീ ഹീറ്റ്ഡ് (165 ഡിഗ്രി സെല്‍ഷ്യസില്‍) ഓവനിൽ വച്ച് ഒരു മണിക്കൂര്‍ ടൈം സെറ്റ് ചെയ്ത് ബേക്ക് ചെയ്തെടുക്കുക. ഓവനില്‍ നിന്നും മാറ്റി പാനില്‍ തന്നെ വച്ച് കേക്കിനെ 10 മിനുറ്റ് തണുക്കാന്‍ വയ്ക്കുക. ഇനി കേക്കിനെ ഒരു വയര്‍ റാക്കിലേയ്ക്ക് മാറ്റി 15 മിനുറ്റ് തണുക്കാന്‍ അനുവദിക്കുക. ഈ സമയം കൊണ്ട് സിറപ്പ് ഉണ്ടാക്കാം.

സിറപ്പ് ഉണ്ടാക്കുന്നത്

ഒരു പാന്‍ അടുപ്പത്ത് വച്ച് വെള്ളവും പഞ്ചസാരയും ഒഴിച്ച്, വെള്ളം തിളയ്ക്കുമ്പോള്‍ അടുപ്പത്തൂന്നു മാറ്റി വച്ച് ചെറുനാരങ്ങാ നീര് ചേര്‍ത്തിളക്കുക. സിറപ്പ് റെഡി.

ഇനി കേക്ക് വച്ചിരിക്കുന്ന റാക്കിനു താഴെ അലുമിനിയം ഫോയിലോ കിച്ചന്‍ ടവ്വലോ വിരിച്ചിടുക. എന്നിട്ട് പെട്ടെന്ന് തന്നെ തയ്യാറാക്കി വച്ചിരിക്കുന്ന ചൂട് സിറപ്പ് ഒരു പേസ്ട്രി ബ്രഷ് ഉപയോഗിച്ച് കേക്കിലേക്ക്, തേച്ചു പിടിപ്പിക്കുക. ഇതു കുറച്ചു സമയമെടുത്തു ചെയ്യേണ്ടുന്ന കാര്യമാണ്. ഓരോ തവണയും കേക്കില്‍, സിറപ്പ് മുഴുവും അബ്സോര്ബ് ചെയ്തതിനു ശേഷം മാത്രം വീണ്ടും സിറപ്പ് കേക്കിലേക്ക് ബ്രഷ് ചെയ്യാന്‍ ശ്രദ്ധിക്കുക. ഇങ്ങനെ ചെയ്‌താല്‍ തണുത്തു കഴിയുമ്പോള്‍, കേക്ക് നല്ല സോഫ്റ്റ്‌ ആയിരിക്കും, കേക്കിനു നല്ല തിളക്കവുമുണ്ടാകും. ഇനി കേക്ക് തണുക്കാന്‍ 1 മണിക്കൂര്‍ സമയം അനുവദിക്കുക. ഈ സമയം കൊണ്ട് ഗ്ലെയ്സ് തയ്യാറാക്കാം.

ഗ്ലെയ്സ് ഉണ്ടാക്കുന്ന വിധം.

ചെറുനാരങ്ങാനീരും, ഉപ്പില്ലാത്ത വെണ്ണയും ചെറുനാരങ്ങാ തൊലി ചുരണ്ടിയതും ഒരു മിക്സിംഗ് ബൌളില്‍ എടുത്ത്, ഫോര്‍ക്ക് കൊണ്ട് നന്നായി മിക്സ് ചെയ്യുക. ഇതിലേയ്ക്ക് കുറേശ്ശെ പഞ്ചസാര പൊടിച്ചത് ചേര്‍ത്ത് ഇളക്കി യോജിപ്പിക്കുക. ഈ മിശ്രിതം തേനിന്‍റെ പരുവത്തിനാണ് വേണ്ടത്. കട്ടിയായിരിക്കണം, എന്നാല്‍ സ്പൂണ്‍ കൊണ്ട് കോരി ഒഴിക്കാനും കഴിയണം. ഗ്ലെയ്സ് അല്പാല്പമായി സ്പൂണില്‍ കോരിയെടുത്ത്, നന്നായി തണുത്ത കേക്കിനു മുകളില്‍ ഒഴിക്കുക.

Comments

Banana Walnut Muffins ബനാന വാല്‍നട്ട് മഫിന്‍

Recipe In English is Here 

ആവശ്യമുള്ള സാധനങ്ങൾ

1. ഗോതമ്പ് പൊടി അല്ലെങ്കിൽ മൈദ മാവ് - 2 കപ്പ്‌ + 2 ടേബിള്‍ സ്പൂണ്‍ (ഞാൻ ഗോതമ്പ് പൊടിയാണ് ഉപയോഗിച്ചിരിക്കുന്നത്) 
2. ബേക്കിംഗ് സോഡ – 1 ടീ സ്പൂണ്‍ 
3. ബേക്കിംഗ് പൌഡർ - 1 ടീ സ്പൂണ്‍ 
4. ഉപ്പ് - ¼ ടീ സ്പൂണ്‍ 
5. വാനില എസ്സെൻസ് - 1 ടീ സ്പൂണ്‍ 
6. പഞ്ചസാര പൊടിച്ചത് - ¾ - 1 കപ്പ്‌ 
7. നന്നായി പഴുത്ത പഴം - 2 
8. വാല്‍നട്ട് ചെറുതായി നുറുക്കിയത് - മുക്കാല്‍ കപ്പ് 
9. എണ്ണ - 1/2 കപ്പ്‌ 
10. പാൽ – ½ കപ്പ് 
11. മുട്ട - 3

തയ്യാറാക്കുന്ന വിധം

12 കപ്പ്-നോണ്‍ സ്ടിക്ക് മഫിന്‍ എടുത്ത് അതിന്റെ ഓരോ കപ്പുകളിലും വെണ്ണ മയം പുരട്ടി വയ്ക്കുക.

നന്നായി പഴുത്ത പഴം തൊലി കളഞ്ഞ് മിക്സിയില്‍ അടിച്ചെടുക്കുക.

ഓവന്റെ താപനില 180 ഡിഗ്രിസെൽഷ്യസിൽ ക്രമീകരിച്ചു പ്രീ ഹീറ്റ് ചെയ്യുക.

ഒരു വലിയ ബൌളിൽ ഗോതമ്പ് പൊടി അരിച്ചെടുക്കുക. അതിലേക്കു ബേക്കിംഗ് സോഡാ, ബേക്കിംഗ് പൌഡര്‍, ഉപ്പ് എന്നിവ ചേർത്ത് ഒരു സ്പൂണ്‍ കൊണ്ട് ഇളക്കി യോജിപ്പിക്കുക. മറ്റൊരു മിക്സിംഗ് ബൌളിൽ മുട്ടകള്‍ ഓരോന്നായി പൊട്ടിച്ചു ഒഴിച്ച്, ഹാൻഡ്‌ ഹെൽഡ് ഇലക്ട്രിക്ക് മിക്സെർ അല്ലെങ്കിൽ എഗ്ഗ് ബീറ്റര്‍ ഉപയോഗിച്ചു മുട്ട നന്നായി അടിച്ചു പതപ്പിക്കുക. അതിലേക്കു പഞ്ചസാര ചേർന്ന് പിന്നെയും ബീറ്റ് ചെയ്യുക. ഇനി വാനില എസ്സെൻസ്, പാൽ, എണ്ണ എന്നിവ ചേർത്ത് സ്പീഡ് കുറച്ചു 30 സെക്കന്റ്‌ ബീറ്റ് ചെയ്യുക. ഈ മുട്ട-പാൽ മിശ്രിതത്തെ ഗോതമ്പ് മിശ്രിതത്തിലേയ്ക്ക് ഒഴിച്ച്, ഒരു സ്പൂണ്‍ കൊണ്ട് എല്ലാം ഒന്ന് ഇളക്കി യോജിപ്പിക്കുക. അതിലേക്കു മിക്സില്‍ അടിച്ചെടുത്ത പഴം ചേര്‍ത്ത് ഇളക്കി യോജിപ്പിക്കുക. ഇനി നുറുക്കി വച്ചിരിക്കുന്ന വാല്‍നട്ട് കൂടെ ചേര്‍ത്ത് ഇളക്കി യോജിപ്പിക്കുക. (ഒത്തിരി നേരം ഇതിനെ കുഴയ്ക്കരുത്‌. മഫിൻ കട്ടിയായി പോകും). മഫിന്‍ ബാറ്റര്‍ റെഡി. നേരത്തെ വെണ്ണ മയം പുരട്ടി വച്ചിരിക്കുന്ന പാനിലെ ഓരോ കപ്പിലും മുക്കാൽഭാഗത്തോളം മാത്രം മാവൊഴിച്ച്, പ്രീ ഹീറ്റ്ഡ്(180 ഡിഗ്രി സെല്‍ഷ്യസില്‍) ഓവനിൽ വച്ച് 20-25 മിനിറ്റ് ടൈം സെറ്റ് ചെയ്ത് ബേക്ക് ചെയ്തെടുക്കുക.

Comments